季後附加賽 亨利入波!東方龍獅大捷入決賽

作者:Eva 發表日期:2017-06-02 06:38:01

「亨利」鄭少偉入波,協助東方龍獅於季後附加賽6比1大破南華,將於季後退役的他獲會方舉行特別儀式及送上Cute版肖像Tee致謝,向來眼淺的他今次以燦爛笑容代替眼淚,揚言要帶動隊友「Keep住團火」,在27日上演的季後賽決賽及其告別戰再下一城。

衞冕聯賽失敗的東方龍獅與南華今季雙雙四大皆空,爭奪下年亞冠盃第二圈外圍賽資格遂成唯一安慰獎。東方龍獅於開賽4分鐘便有徐德帥遭南華守衞梁諾恆飛剷中招,其後更需退下火線,卻為球隊換來罰球機會,勞高接應鞠盈智主踢為東方頂成1比0,該巴西鋒將入球後跑向後備席,高舉將於季後退役的鄭少偉的19號球衣致敬。東方龍獅於30分鐘再乘死球機會建功,迪高接應角球頂成2比0,加上麥基及米曹於上半場末段建功,遙領南華4球。

東方龍獅於易邊後再有迪高於58分鐘藉角球將比數增添至5比0,萬眾期待的亨利於66分鐘入替勞高,儘管南華一度有加藤友介破蛋,但仍被東方龍獅主導戰局。表現落力的亨利先在73分鐘勁射中楣,完場前更於左路接應美妙突破直搗禁區,逼得南華門將曾文輝將他撲跌,球證向曾文輝直接出示紅牌及判罰12碼。由於南華換人名額已滿,只能由中場麥高派路域客串把關,亨利親自操刀「冇走雞」,協助東方龍獅完成6比1大勝埋齋。

東方職球員賽後穿上印有亨利肖像的特別版T恤致意,亨利更high爆將剩餘T恤拋上看台送給球迷。向來眼淺的亨利今次難得未有落淚,還笑言「留番下場先」:「隊友喺上半場好落力爭取入波,似乎真係好想我出場,希望下場繼續Keep住團火,攞番亞冠盃參賽資格,對球會同球迷有個交代。」

亨利今場表現寶刀未老,但他笑言「玩到咁大」後,無從改變掛靴主意,對於球會的特別安排,他坦言也蒙在鼓裏:「尋日集宿時司徒sir(副總監司徒文俊)神神秘秘攞住件波衫叫人簽名,我都估到有啲嘢,但完成唔知『搞到咁大』。無論係球隊職球員定係球迷都為我做咗好多嘢,作為一個小小嘅球員,真係好感動。我落到場仲有渴望,每一次都努力爭取入波。無論我以後仲喺唔喺球圈發展都好,都希望大家保持團火,有冇人留意都要落力去踢出表現畀人睇到。」


本文來源:http://hk.on.cc/hk/bkn/cnt/sport/20170520/bkn-20170520170344840-0520_00882_001.html




Tag:
本文鏈接:http://www.englishcourse-online.com/10307.html